နွေဒိုင်ယာရီကြားညပ်နေတဲ့ ပိတောက်ပန်းခြောက်

နင့်ကိုယ်လုံးရေစိုစိုနှင့် ငါ့ကိုယ်လုံးရေစိုစို
ရေဖလားတစ်လုံးကို အတူတူလုပြီး
ရေလောင်းပြိုင်ကြတာမှတ်မိသေးတယ် စင်သီယာ ။                   ။
အိမ်ဘေးက ပိတောက်ပင်ကတစ်ခတ်ကိုခူး
နင့်နားသယ်စကို ထိုးအစိုက်
ငါ့လက်ကို ဖွဖွဆုပ်ကိုင်ပြီး
" နင်ကလဲ ဘာမှန်းမသိဘူး " လို့ တိုးတိုးရွတ်
ရှက်သွေးပြုံးတွေ ဝတ်လစ်စတစ်ဖြစ်ကုန်တာ
ငါမှတ်မိတယ်  စင်သီယာ ။                ။
အခုတော့
ခြောက်နှစ်ကျော်ကြာ သင်္ကြန်နှင့်မျက်နှာခြင်းမဆိုင်ဖြစ်ခဲ့တဲ့ငါ
ဒိုင်ယာရီစာအုပ်ထဲက ပိတောက်ပန်းအခြောက်လေးကို
ထုတ်ထုတ်ကြည့် ဟောဒီတစ်နွေလဲ
ချောက်သွေ့စွာဖြတ်သန်းရအုန်းမယ် စင်သီယာ ။                    ။

မိုးဇက်

အရာအားလုံးဟာ ပြည့်စုံနေမှာ

နင့်လက်ချောင်းသွယ်သွယ်လေးတွေဟာ နွေဦးပေါက်နေရောင်အောက်မှာ
ငါ့အိမ်မက်တွေအစုန်အဆန်ကူးခတ်ရာ
နင့်ပါးချိုင့် ပါးပါးလေးကိုလဲ ခိုးသိမ်းထားမိတာ
ကိုယ့်ကိုနားလည်ပေးပါ စင်သီယာ
အချစ်ကို ဘယ်လိုသက်မှတ်လဲ စင်သီယာ
ဒါဟာ တစ်ယောက်ဘဝကို တစ်ယောက်ဆိုတာထက်
တစ်ယောက်နှလုံးသားကို တစ်ယောက်ဖောက်ထုတ်ကြည့်တာလို့ထင်တယ်စင်သီယာ
" စင်သီယာ "
အဲဒီညနေစောင်းလေးမှာပဲ
နင့်နာမည်ကို ခနခနအော်ခေါ်နေမိတယ်
ဒါပေမယ့် ဘယ်သူမှမကြားနိုင်တဲ့ အသံနှင့်ပေါ့
နင်ရောကြားမ်ိမယ်လို့ ငါမထင်ဘူးလေ ။                 ။
နင့်ဆံပင်ရှည်တွေကို ဖြန့်ချထားပါစင်သီယာ
လေတွေက နွေဦးပေါက်မှာ သိပ်သရမ်းတာပဲမို့လား
အဲဒီလို တဖြတ်ဖြတ်လွင့်နေတဲ့ နင့်ဆံစလေးတွေရယ်
လူသံတွေတိတ်ဆိတ်နေတဲ့ လမ်းလေးရယ်
စိတ်လွတ်ကိုယ်လွတ် တချွင်ချွင်ရည်/ရီမောနေတဲ့ နင့်အပြုံးနုနုလေးရယ်ကို ငါငေးကြည့်ချင်လို့
ပြီးတော့ ဟိုးဘက်က ကမ်းခြေဆီကို နင့်လက်ချောင်းသွယ်သွယ်လေးတွေကို ဖွဖွဆုပ်ပြီး လမ်းလျှောက်ကြမယ်လေ
အဲဒီမှာ သိပ်လေးလွန်းတဲ့ ငါတို့ဖိနပ်တွေကို ချွတ်ခဲ့မယ်
ဟိတ်ကြီးဟန်ကြီးနိုင်လွန်းတဲ့ အပေါ်ယုံတွေကို ဖြေချခဲ့မယ်
ပြီးတော့ အေးမြနေတဲ့ ခပ်စက်စက်ရေသောင်တွေကြား တို့ခြေချောင်းလေးတွေဖြတ်ပြေးကြမယ် စင်သီယာ
ဘာဆိုဘာမှ မသယ်လာခဲ့ပါနှင့်စင်သီယာ
အရာအားလုံးဟာ ပြီးပြည့်စုံနေမှာ အသေအခြာ ။                  ။


မိုးဇက်

နှင်းရိပ်မိသော တနင်္ဂနွေ

ဒီဇင်ဘာတဲ့လား ကောင်မလေးရေ
တနင်္ဂနွေတခါးတွေကို ဆွဲဆွဲဖွင့်တိုင်း
နှင်းစက်တွေပဲ ငါ့ရင်ဘက်ကို လာလာခါချခံရတယ် ။           ။

မိုးဇက်

သူမဟာ ကြယ်တစ်ပွင့်လို မိုင်နှုန်းနှင့်လာပြီး အလင်းနှစ်အားဖြင့်ထွက်ခွာသွား

မီးဇာကုန်ကာနီးမှ အလင်းရဲ့တန်ဖိုးကို သိသလိုမျိုး
နှင်းတွေရင့်မှဲ့ချိန်ရောက်မှ နွေဦးရဲ့နွေးထွေးမှုကို ငတ်မွတ်သလိုမျိုး
သူမထွတ်ခွာသွားချိန်မှ ချစ်နေကြောင်း နက်ရှိုင်းစွာ မင်းခံစားမိလိမ့်မယ် ။     ။
အပေါ်ယံတွန့်ကွေးအပြုံးတွေအကြောင်း လူ့တောသူတောထဲမှာ ထိတွေ့နားလည်လာပြီး
မင်းအိမ်ကို လွမ်းနေလွန်းအားကြီးသွားမှ
ခရီး/လမ်း တွေကို မင်းမုန်းလိမ့်မယ် ။             ။
ဟော .........
မင်းသောက်နေတဲ့ ရေခဲတွေသီးနေတဲ့ဖန်ခွတ်အောက်ခြေမှာ ကြယ်လေးလင်းလို့ ။             ။
ဟုတ်တယ်
ဟုတ်တယ် ..... မင်းပုံဖော်ထုဆစ်နေတဲ့ အိမ်မက်တစ်ခု တောက်ပလာတာပဲ ။              ။
ဒါပေမယ့်
ပုံဖော်ထုဆစ်ရတာ ခတ်ခဲကြန့်ကြာသလောက်
ပိုင်ဆိုင်ထိတွေ့မှုအချိန်က ကုန်ဆုံးတာသိပ်မြန်လွန်းတယ် ။              ။
မင်းမျက်လုံးတွေကို ဖြေးဖြေးသက်သာပိတ်လိုက်တဲ့ အချိန်မှာ သူမကို မြင်ရလိမ့်မယ်
ဘာကြောင့်လဲဆိုတာ တစ်နေ့ မင်းသိလာလိမ့်မယ် ။              ။
ထိတွေ့သမျှအရာအားလုံးဟာ သင်္ခါရသိပ်စံတယ်
ဟိုးအမှောင်ရဲ့ ခေါင်မိုးစွန်းမှာ ကြယ်လေးလင်းလတ်နေတာကိုခြေပြစ်လက်ပြစ်ထိုင်ကြည့်လိုက်စမ်းပါ
မင်းနှလုံးသားထဲမှာ ဟိုးကလေးဘဝကအတိုင်း ဟာလာဟင်းလင်းပွင့်ကျသွားအောင်ထိုင်ကြည့်လိုက်စမ်းပါ ......
ချစ်ခြင်းတရားဟာတဖြည်းဖြည်း ချည်းကပ်လာပြီး
မင်းကိုလက်ပြထွတ်ခွာသွားတာ သိပ်မြန်တယ်လေ ။            ။
ငါပြောမယ်
မင်း အိပ်ပျော်နေတဲ့ အချိန် သူမကို
မမှိတ်မသုံ  စူးလျှလျှ  တိမ်းတမ်းညွတ်ညွတ် ကြည့်နေလိုက်ပါ ။
ဒါပေမယ့် ဘယ်တော့မှ မထိ မတွေ့ပါနှင့်
ဘာကြောင့်ဆို မင်းက သူမကို အရမ်းချစ်ပြီး အရမ်းအလေးအနက်ထားလို့ပေါ့
ဒါဟာ အိမ်မက်ဆိုတာ မင်းသိလိုက်ပါ ။            ။


မိုးဇက်