သမ္မတကြီး သိသာရန် (သို့မဟုတ်) မီးရထားဝန်ကြီး သိသာရန်

မန္တလေး မီးရထားစက်ခေါင်းစက်ရုံတွင် အုပ်ချုပ်မှုတာဝန် ယူထားရသော AME
(လက်ထောက်အင်ဂျင်နီယာ)ဆိုသူသည် မိမိလက်အောက်ငယ်သား ၀န်ထမ်းများအား
အကြမ်းဖက် အုပ်ချုပ်နေပါတယ်။ ငယ်သားများအား လက်သီးဖြင့် ဆွဲထိုးခြင်း၊
ခြေထောက်ဖြင့် ကန်ခြင်းများ ကြိမ်ဖန်များစွာ ပြုလုပ်အုပ်ချုပ်နေပါတယ်။
တစ်နေ့သောအချိန်မှာ (ဥပမာတစ်ခု အမှန်တကယ်ဖြစ်ပျက်ခဲ့ပါတယ်)
မန္တလေးဘူတာကြီးမှ ရထားတစ်စင်း ရန်ကုန်ဘက်သို့ အချိန်မှန်မထွက်နိုင်ခဲ့ပါ။
စက်ခေါင်းပိုင်းဆိုင်ရာအားနည်း

ချက်တစ်ခုကြောင့် မထွက်နိုင်တာပါ။ ဒါကို
ဘူတာကြီးမှ စက်ရုံ AME သို့ အကြောင်းကြားလိုက်ပါတယ်။
အဲဒီအဖြစ်အပျက်လည်းသိပြီးရော ဒေါသူပုန်ထပြီး အဲဒီအချိန်မှာ တာဝန်ကျနေသော
အလုပ်ကြပ်အပါအ၀င် (၅)ဦးအား လက်သီးဖြင့် ထိုးကြိတ်ခဲ့ပါတယ်။
သူထိုးကြိတ်ခံရသောသူများ မည်သည့်အကြောင်းကြောင့် ဖြစ်ရသည်ကို မစုံစမ်း
မချိန်ဆဘဲ အရင်ဆုံး လက်ရောက်ကျူးလွန်စော်ကားခဲ့ပါတယ်။ ထို (၅)ဦးထဲမှ
တစ်ဦး (ဌာနစိတ်အလိုက် အဆက်အသွယ်လုပ်ပေးရသူ)မှာ နှာခေါင်းသွေးများ
ဖြာထွက်သည်အထိ ဖြစ်ခဲ့တယ်။

အဲဒီ AME ဆိုသူဟာ ဒီလိုလုပ်ရပ်မျိုးကို ကျူးလွန်ခဲ့တာ ဒီတစ်ကြိမ်မဟုတ်ပါ။
နှာခေါင်းသွေးထွက်သွားခဲ့သူ တစ်ဦးထဲပင် (၅)ကြိမ်ခန့် ပြုလုပ်ခဲ့ပါတယ်။
စက်ရုံအတွင်းပိုင်းမှ ၀န်ထမ်းအချို့လည်း အထိုးခံရမှုတွေ ရှိခဲ့ပါသေးတယ်။
သူဟာ ဒီစက်ရုံထဲက ၀န်ထမ်းတွေ သူအကုန်လုံးထိုးလို့ရတယ်လို့များ ထင်ထားသလား
မသိပါ။ တချို့ဝန်ထမ်းငယ်များဟာ သူ့အဖေအရွယ်တွေပါ။

ပြဿနာဖြစ်တိုင်း ငယ်သားဝန်ထမ်းများအား လက်ရောက်ကျူးလွန်ပြီး
အနိုင်ကျင့်ဖို့ဘယ်ဝန်ကြီးကမှ ညွှန်ကြားတာ မကြားဘူးပါ။ ဥပဒေမဲ့
လုပ်ရပ်များသာဖြစ်ပါတယ်။ ၀န်ထမ်းငယ်များမှာ အကြောက်တရားများရှိနေကြပါတယ်။
ပြုတ်သွားမှာလား။ ပြောင်းခံရမှာလား စတဲ့ ပူပန်မှုတွေကနေ
ကြောက်ရွံ့မှုအဖြစ်သို့ ရောက်ရှိသွားစေခဲ့တာပါ။

ဒီမိုကရေစီစနစ်သို့ ပြောင်းနေပြီဖြစ်လို့ ၀န်ထမ်းလောကမှာ
ဒီလိုအဖြစ်အပျက်မျိုး ထပ်မံမကျူးလွန်နိုင်စေဖို့နှင့် ၀န်ထမ်းငယ်များ
မကြောက်ရွံ့ကြစေဖို့ ရည်ရွယ်ပါတယ်။ ဥပဒေရှိပါတယ်။ မဟုတ်ရင် မမှန်ရင်
ဥပဒေနဲ့ ပြန်လည်တုံ့ပြန်နိုင်ပါတယ်။ နောက်တစ်ခု မီဒီယာတွေ ရှိပါတယ်လို့။

မီးရထားဝန်ထမ်းတစ်ဦး