နင့်လက်ချောင်းသွယ်သွယ်လေးတွေဟာ နွေဦးပေါက်နေရောင်အောက်မှာ
ငါ့အိမ်မက်တွေအစုန်အဆန်ကူးခတ်ရာ
နင့်ပါးချိုင့် ပါးပါးလေးကိုလဲ ခိုးသိမ်းထားမိတာ
ကိုယ့်ကိုနားလည်ပေးပါ စင်သီယာ
အချစ်ကို ဘယ်လိုသက်မှတ်လဲ စင်သီယာ
ဒါဟာ တစ်ယောက်ဘဝကို တစ်ယောက်ဆိုတာထက်
တစ်ယောက်နှလုံးသားကို တစ်ယောက်ဖောက်ထုတ်ကြည့်တာလို့ထင်တယ်စင်သီယာ
" စင်သီယာ "
အဲဒီညနေစောင်းလေးမှာပဲ
နင့်နာမည်ကို ခနခနအော်ခေါ်နေမိတယ်
ဒါပေမယ့် ဘယ်သူမှမကြားနိုင်တဲ့ အသံနှင့်ပေါ့
နင်ရောကြားမ်ိမယ်လို့ ငါမထင်ဘူးလေ ။ ။
နင့်ဆံပင်ရှည်တွေကို ဖြန့်ချထားပါစင်သီယာ
လေတွေက နွေဦးပေါက်မှာ သိပ်သရမ်းတာပဲမို့လား
အဲဒီလို တဖြတ်ဖြတ်လွင့်နေတဲ့ နင့်ဆံစလေးတွေရယ်
လူသံတွေတိတ်ဆိတ်နေတဲ့ လမ်းလေးရယ်
စိတ်လွတ်ကိုယ်လွတ် တချွင်ချွင်ရည်/ရီမောနေတဲ့ နင့်အပြုံးနုနုလေးရယ်ကို ငါငေးကြည့်ချင်လို့
ပြီးတော့ ဟိုးဘက်က ကမ်းခြေဆီကို နင့်လက်ချောင်းသွယ်သွယ်လေးတွေကို ဖွဖွဆုပ်ပြီး လမ်းလျှောက်ကြမယ်လေ
အဲဒီမှာ သိပ်လေးလွန်းတဲ့ ငါတို့ဖိနပ်တွေကို ချွတ်ခဲ့မယ်
ဟိတ်ကြီးဟန်ကြီးနိုင်လွန်းတဲ့ အပေါ်ယုံတွေကို ဖြေချခဲ့မယ်
ပြီးတော့ အေးမြနေတဲ့ ခပ်စက်စက်ရေသောင်တွေကြား တို့ခြေချောင်းလေးတွေဖြတ်ပြေးကြမယ် စင်သီယာ
ဘာဆိုဘာမှ မသယ်လာခဲ့ပါနှင့်စင်သီယာ
အရာအားလုံးဟာ ပြီးပြည့်စုံနေမှာ အသေအခြာ ။ ။
မိုးဇက်
အရာအားလုံးဟာ ပြည့်စုံနေမှာ
0