________________________________________________________________________________________________________________________________________ |||||| နှစ်ဦးသဘောတူနေ့ဆွဲများ |||||| ____ မြင်မြင်ခြင်းတစ်ယောက်ဘဝထဲကိုတစ်ယောက် လေးလေးနက်နက်နစ်မြုပ်ခဲ့ကြ ......___________________ တွေ့တွေ့ခြင်းတစ်ယောက်အာရုံထဲရှိတာတစ်ယောက် အလိုအလျှောက်သိမြင်နားလည်ခဲ့ကြ ......._________________ တစ်ယောက်ရင်ဘက်ကိုတစ်ယောက် ဓါးနှင့်ပေါက်လက်တည့်စမ်းခဲ့ကြ ~~ ~~~________________ စိတ်ကူးယဉ်ကိတ်မုန့်တစ်လုံးကို အတူဖုတ်ပြီး မက်မက်မောမော စားခဲ့ကြ ...............___________________ ကျေနပ်ခြင်းသီးစုံဖျော်ရည်တစ်ခွပ်ကို အတူဖျော်ပြီး အငမ်းမရမော့သောက်ခဲ့ကြ ......______________________ ပင်စည်တစ်ခုပေါ် ပိုးမွှားတွေလိုတွယ်ကပ် ~~~ ~~~~ ပြင်းပြတဲ့တပ်မက်ခြင်းတွေနှင့် အတူတစ်ကွရှင်သန်ခဲ့ကြ .......______________________ တစ်ယောက်အိမ်မက်ကိုတစ်ယောက်ဖောက်ထွင်း ~~~ ~~~ ငြိမ်သက်ခြင်းကြမ်းပြင်ပေါ်မှာ ပင့်သက်တွေ ပြစ်ချခဲ့ကြ ......._______________________ တစ်ယောက်မျက်လုံးထဲတစ်ယောက်ပြေးဝင် ~~~ ~~~ ပွင့်ပွင့််လင်းလင်းချဉ်ခြင်းတတ်ခဲ့ကြ ......... ______________________ တစ်ယောက်မနက်ဖြန်ကိုတစ်ယောက်စာချုပ် ~~~ ~~~ မမြင်ရတဲ့အချိန်ကာလကို ဖမ်းဆုပ်ခဲ့ကြ .......___________________________ ပြန်စဉ်းစားကြည့်တော့ နောက်ကျနေတဲ့ ရထားပေါ်မှာ ~~~ ~~~ ကြင်ကြင်နာနာပြစ်မှား တစ်ယောက်နှင့်တစ်ယောက် ပြစ်စလက်ခတ်အသားခြင်းထိမ်ိခဲ့ကြ ........______________________________ ရေစီးသန်တဲ့မြစ်ကိုစွန့်စွန့်စားစားကူးဖြတ် ~~~ ~~~ တစ်ယောက်အတ္တကိုတစ်ယောက် ကြက်ခြေခတ်မိခဲ့ကြ .........________________________________ ရှုပ်ထွေးကောက်ကွေ့လွန်းတဲ့လောကအလယ် ~~~ ~~~ တစ်ယောက်နှင့်တစ်ယောက် မိုက်မိုက်ကမ်းကမ်း ငြိတွယ်မိခဲ့ကြ ~~~ ~~~~ ဘာများဆန်းကျယ်လို့လဲကွယ် ... ...__________________________ လှသန်း(လက်မရွံ့ ကဗျာဆရာ)

တေးသွား အစ အဆုံး ၊ သံဇဉ် အက်အက် တစ်ပုဒ် ၊ ၂၀၁၂ရဲ့ ခပ်ကြေကြေ ရနံ့တစ်စ

Posted on Friday, 28 December 2012

                    ဒီလိုပဲ ၂၀၁၂ ရဲ့ တေးသွားအစကတော့ မည်သူမှ မသိလိုက်ပဲ ကိုယ့်ဘာသာ ရှန်ပိန်ခွက်လေးမြောက်ပီး ချီးယားလုပ်ခဲ့တယ် ။ နွေရဲ့ အရိပ် သင်္ကေတ တစ်ခုကို ဖွင့်ဖောက်ရင်း ကျွန်တော့ရဲ့ ကျမ်းမာရေးမှာ အလှည့်အပြောင်းဖြစ်ခဲ့တယ် ....
   ဗြုံးစားကြီး ထကလိုက်တဲ့ ကကွက်ဆိုးထဲမှာ ဖုတ်လိုက်ဖုတ်လိုက်မြှောပါရင်း ၊ ဝေဒနာနှင့် မဖြစ်မနေ စကားတွေထိုင်ပြောရတာ အကြာကြီး ၊ တစ်ချို့နေ့ရက်တွေမှာ ရင်းနှီးမှုတွေတစ်သီကြီးရှိသော ကျွန်တော့အမ ကျွန်တော့ဆီရောက်လာခဲ့တယ် ၊ အဲဒီနေ့ရက်တွေဆိုတာတော့ ကျွန်တော့ရဲ့ အထီးကျန်မှု တစ်ချို့ကို အလင်းတစ်ပွင့်နှင့်တိုက်စားပေးသွားခဲ့ ၊
                   ဆိုခဲ့သလို ၂၀၁၂ ရဲ့မှတ်တမ်းတွေကတော့ ခပ်နွမ်းနွမ်းနှင့် ခပ်ကြမ်းကြမ်းတွေ တင်းပြည့်ကျပ်ပြည့်ပါပဲ ............
   မောလိုက် ဟိုက်လိုက် နှင့် ကျွန်တော့ရဲ့ စိတ်ဓါတ်တွေလဲ ပျော့တွဲလာလိုက်တာ တစ်ချက်တစ်ချက် ဟိုး အဝီဇိ ထိ စိမ့်ဝင်ဝင်သွားတယ် ။
   တစ်ချို့ တစ်ချို့ အချိန်တွေမှာ ကိုယ့်အခန်းကို ကိုယ့်ဘာသာပိတ်ထားရင်း နေတတ်လာခဲ့ ..
   ဆိုခဲ့သလို ၂၀၁၂ ဟာ အနာတရ ဒါးချက်တွေနှင့် ကျွန်တော့ ကျောကို / ရင်ဘက်ကို အထက်ထက် မွန်းခံခဲ့ရ ............ ၊ လောကကြီးကို ခပ်ရွတ်ရွတ် ပြန်ကြည့်တတ်လာတယ် ... ၊ နာနာကျည်းကျည်း သီချင်းတွေအော်ဆိုတတ်လာတယ် ၊ မှုတ်ဆိတ်မွေးတွေ ရှည်ထွက်လာအောင် ခပ်ရိုင်းရိုင်းဖြစ်လာတယ် ၊တစ်ချက် တစ်ချက် ရင်ဘက်တစ်ခုလုံး အောင့်သက်ပီး လူ့ရှေ့သူ့ရှေ့ ဟန်ဆောင်မျက်နှာဖုံး မတတ်နိုင်အောင်ကို ပြစ်လဲဘူးတယ် ၊ ပြစ်ပြစ်လဲတယ် ၊ ပြစ်ပြစ်နှစ်နှစ်လဲတယ် ၊ ကျားကျားလျှားလျှားဖြစ်ပေမယ့် အကြိမ်ကြိမ် လဲတယ် ၊ ကိုယ့်ကိုကိုယ် အံ့သြလောက်အောင်ကို / အံ့သြယူရလောက်အောင်ကို ပြစ်လဲတယ် ။
                 အဲဒီနှစ်လယ်ပိုင်းလား ............. ??????
                 သိပ်ပီးပြောင်းလဲမသွားသေးဘူး စိတ်ဒဏ်ရာတွေတော့ ထူထူလာတယ် ၊ ဆေးရဲ့ ဒဏ်ကလဲ မေမေ မွေးပေးလိုက်တဲ့ ဒီခန္ဓာကို တစ်ဖြည်းဖြည်းဖျက်စီးစပြုလာတယ် ။ အဲဒီလို နည်းနည်းသုံးသပ်မိတဲ့ နှစ်လယ်လောက်မှာ “ အဟက် ” ခနဲ ကိုယ့်ဘာသာကို ခြောက်ကပ်ကပ်ရီ(ရည်) လိုက်တယ် ။ နည်းနည်းတော့ အသက်မပါတဲ့ရီ(ရည်)သံမှန်း ကိုယ့်ဘာသာကိုသိပေမယ့် ဒီတိုင်းလေးမျက်နှာလွဲပီး နောက် တစ်ကြိမ် နောက်တစ်ကြိမ် နောက်တစ်ကြိမ်
“ အဟက် ”   ............ “ အဟက် ” ........... “ အဟက် ”
   ဆိုခဲ့သလို ၂၀၁၂ ရဲ့ စာမျက်နှာတွေကို ထဲထဲဝင်ဝင် ဖွင့်ထုတ်ကြည့်တော့လဲ ဘာမှမဟုတ်ဘူး ၊ အရှေ့ဘက်အာရုဏ်အတတ်မှာ အုန်းမောင်းခေါက်သံ သုံးချက်တိတိ ခေါက်ပီး ၊ လေပြေတွေ ဗြောခနဲ အသွင်ခံလိုက်ရတယ် ၊ ပီးတော့ ခြောက်ခြားစရာကောင်းသလို ၊ အိမ်မက်လိုလို အိမ်မက်တွေထဲ ရှေ့တိုးလိုက် လဲကျလိုက် ပြန်ထလိုက် ရိုက်ချခံလိုက်နှင့် အေးစက်စက်မျက်နှာ တစ်စုံကို ပိုင်ဆိုင်မှန်းမသိ ပိုင်ဆိုင်လာတယ် ။ တစ်ခါ တစ်ခါ ကိုယ့်ကိုယ်ကို အမြင်ကပ်လာတဲ့အချိန်တွေမှာ သွားရင်းလာရင်း ဒဏ်ရာတွေကို အရေးပေါ်ပစ္စည်းတစ်ခုလို ကိုယ့်ရင်ဘက်ထဲ ကောက်ကောက်ထည့်ခဲ့တယ် ။
                ဆိုခဲ့သလို ၂၀၁၂ ကို ဝေဝေသီသီဖြတ်သန်းရင်း ကျွန်တော့် လက်ထဲမှာ ဗလာတစ်ချက်ကို ဆုပ်ကိုင်လို့ကောင်းတုန်း
                ဆိုခဲ့သလို ၂၀၁၂ ဟာ ကျွန်တော့အတွက် စစ်တလင်းထဲကို ဝတ်လစ်စတစ်နှင့် ပတ်ပြေးနေရသလို
                ဆိုခဲ့သလို ၂၀၁၂ ဆိုတာ ကျွန်တော့ရဲ့ စိတ်ကူးအိမ်မက်တွေ အမြောင်းမြောင်းထနေပေမယ့် ကံကြမ္မာက နေရာမှားပီး လင်းလတ်ခဲ့ ။
                နောက်တော့ ဒီဇင်ဘာရဲ့ နှင်းစက်တွေကို တဖြည်းဖြည်းမြင်စပြုလာတဲ့ အချိန်မှာ အေးမြ ဖြူလွှနေတဲ့ တယောတစ်လက်ကိုပိုက်နေတဲ့ “ ဆိုဖီယာ ” နှင့်မျက်နှာခြင်းဆိုင်မိတယ် ။
                ဒီလိုပါပဲ ကိုယ်သန်ရာသန်ရာ အတွေးတွေနှင့် နစ်လိုက် မြုပ်လိုက် ။
               ဆိုခဲ့သလို ၂၀၁၂ ရဲ့ ဒဏ်ချက်တွေနှင့် ဒီဇင်ဘာရဲ့ နောက်ဆုံးရက်တွေမှာ အသိတစ်ချက်ကပ်ကြည့်လိုက်တော့
               လောကဓံကို မထီမဲ့မြင် မျက်နှာပေးနှင့် အေးစက်စက် ရင်ဆိုင်တတ်လာတယ် ။
               စိတ်ရဲ့နာကျင်မှုတွေကို မီးပိတ်အခန်းထဲက ဒေါင့်တစ်ဒေါင့်မှာ ငြိမ်ကုတ်ရင်း တစ်စစီဖဲ့ခြွေတတ်လာတယ် ။
              တစ်ချက်တစ်ချက် စိတ်လက်ပျော်ရွင်လာရင် လူတွေကိုလူလုံးထွက်ပြပြီး ကျွန်တော့ရဲ့ အပျော်တွေပြည့်နေတဲ့ မျက်နှာနှင့် စကားတွေဖောင်ဖွဲ့ပြစ်တတ်လာတယ် ။ ( ဆိုလိုတာက ကျွန်တော်က ဂျိုကာဖြစ်မှန်းမသိ ဖြစ်ဖြစ်လာတယ် )
             ဆိုခဲ့သလို ၂၀၁၂ ဟာ ကျွန်တော့ရဲ့ ရပ်တည်ချက် နည်းနည်းလဲ တည်ငြိမ်မှုပြုလာတယ်
             ဆိုခဲ့သလို ၂၀၁၂ ဟာ ကျွန်တော့ရဲ့ မပြီးသေးတဲ့ လုပ်လက်စ အလုပ်တွေကိုလဲ စတင်အပြီးသက်ဖို့ လုံ့လထုတ်ဖြစ်လာတယ်
              ဆိုခဲ့သလို ၂၀၁၂ ဟာ အထိအနာဆုံးပင့်သက်တွေ အကြိမ်ကြိမ်ချဖြစ်ပြီး အရင်ဘဝကိုလဲ မသိမသာ သမ်းသမ်းဝေဝေတွေထဲ လွမ်းနာကျလာတယ် ။
              ဒီလိုနှင့် လွန်ခဲ့သော ဒီဇင်ဘာက သုံးသပ်မှုအနေအထား ထက်တော့ သိပ်ပီးမပြောင်းလဲပါဘူး ပိုပီးတော့တောင် “ ဗလာ ” ပီသလာတယ် ။ ဟုတ်တယ်လေ
              ဆိုခဲ့သလို ၂၀၁၂ ရဲ့ ဒီဇင်ဘာနောက်ဆုံးရက်မှာလဲ
ကျွန်တော် ၊
             အနာတရတွေ ဗလုံးဗထွေးသက်ပုတ်နေရတဲ့
                            မိုးဇက်
                                      ဟုတ်ခနဲ
          သေ
              ဆုံး
                    ပြစ်ရအုန်းမယ် ။


( ထူးဆန်းစွာ တပ် လုပ်လာသော မိပစ် ကိုကျေးဇူးတင်လျှက် တောက်လျှောက် တပ် ပေးချင်တာကတော့
... လရိပ်အိမ်
.... မမခင်
.... ကိုလပ်
..... မိုးည
..... မာယာဖြူ
......မမမိုးငွေ့
ဒီလောက်ပါပဲဗျာ ၊ အတတ်နိုင်ဆုံး ရေးပေးကြပါ ...းPးP )

မိုးဇက်

ခြေထောက်ပေါက်ပြဲနေသော အိမ်မက်များ ၁

Posted on Friday, 14 December 2012

အဲဒီနေ့ညနေမှာ
နားလည်ခွင့်လွတ်တတ်တဲ့ မျက်လုံးတွေနှင့်
ကျွန်တော့ကိုပြုံးပြခဲ့သေးတယ် ။ ။

လောကဓံနှင့် ပတ်ဝန်းကျင်ရဲ့
ထိုးနှက်မှုတွေကို ကျောပေးကာရင်း
အဲဒီနေ့ညနေမှာ
မေမေဟာ ကျွန်တော့ဘက်ကိုလှည့်ပြီးပြုံးကြည့်နေတယ် ။ ။

ဒီ့နောက် ကျွန်တော်က ကျွန်တော့မာနကို
ကျောမှာ ကောက်လွယ်လိုက်ပြီး
သယ်ကူရာမဲ့လောကကြီးထဲ
ကိုယ့်ခြေထောက်ပေါ်ကို ကိုယ်ရပ်လိုက်တယ် .................

မိုးဇက်

ငါ့အလွမ်းနှင့်နင့်နာမည်ကို ခေါ်လိုက်တာ နင်ကြားရလား မေနို

Posted on Wednesday, 5 December 2012

ကော်ဖီတစ်ခွက်လောက် ကောက်အမော့လိုက်မှာ
မင်းနာမည်က လယ်ချောင်းဝမှာ လာငြိတယ် ကောင်မလေးရေ
ဟောဒီတစ်ဆောင်းတွင်းလုံး မင်းရဲ့ချစ်ခြင်းတွေနှင့်
ငါ့ရင်ဘက်တွေကို နွေးထွေးစေပါ ။                 ။
ဒီဇင်ဘာရဲ့နေ့ရက်တွေ ထဲထဲဝင်ဝင်ထိတွေ့မိလေ
ငါ့အလွမ်းတွေက ထူပြစ်လာလေပဲ ဆိုတော့
“ အသည်းလွာပါးပါးနှင့်လူတစ်ယောက်ပဲ ” ဟု
ငါ့ကိုယ်ငါပဲ အပြစ်တင်မိခဲ့ပေါ့ ။                   ။
အေးစိမ့်တဲ့ ဒီဇင်ဘာရက်တွေထဲ
ကျွန်တော်ရယ် . ခံစားမှုစာသားတစ်ချို့ရယ်
သောက်လက်စ ကော်ဖီတစ်ခွက်ရယ်
သူ့အလင်းနှင့်သူ တောက်လောင်နေတဲ့
မီးလင်းဖိုနွေးနွေးလေးရယ်
သူမရောက်မလာသေးတဲ့ ကျွန်တော့်ဘယ်ဘက်
ထိုင်ခုံအလွတ်လေးရယ် ။                 ။
ဒီလိုနှင့် ကျွန်တော်နှင့် ချစ်ခြင်းဟာ
အလွမ်းဆိုသောကြားခံပစ္စည်းအားဖြင့်
ကူးလူးဆက်စံ ရင်းနှီးပျော်ဝင်လာခဲ့ ။                 ။
နောက်တော့လဲ ကျွန်တော်က နေသားတကျဖြစ်ဖို့
ကိုယ့်ရင်ဘက်နှင့်ကို ဟင်းလင်းပွင့်အောင်
သူမနာမည်ကို အော်ဟစ်ခေါ်လိုက်တယ်
`
`
..

မိုးဇက်

ဆောင်းစိုလက်ထဲက အလွမ်းနှစ်ပွင့်ထိခတ်ခြင်း

Posted on Friday, 30 November 2012

~ မိုးဇက် ~
အလွမ်းတွေကျို့ထိုးနေတာ အသက်ရှုတောင်မဝဘူး
တစ်ချက်တစ်ချက်ထိမ်းချုပ်မဲ့ အလွမ်းတွေထွတ်ကျလာတာများ မြင်မကောင်းဘူး မာယာ
အဲဒီတတ်တူး ဒီလောက်အရာထင်မှန်းသိရင်
အစထဲကထိုးဖို့ စိတ်ကူးမိမှာမဟုတ်ဘူး
ဘယ်သူမှမရှိတုန်း မင်းနားနားလေးကပ်ပြီးပြောပြမယ်
ဘယ်ဘက်ရင်အုံမှာ ထိုးထားတဲ့ တတ်တူးစာလုံးက
“ မာယာ ” တဲ့ ...

~ မာယာဖြူ ~
အရေပြားပေါ်မှာထွင်းဖော်ထားတဲ့နာမည်အတွက်
စာဖွဲ့လို့များနေသလား
ဒီလိုဆို ကိုယ့်နှလုံးသားထဲမှာ
ထွင်းပေါ်နေတဲ့မင်းနာမည်အတွက်
ငါ့ရင်ခုန်သံတွေ နှစ်မြုပ်ခံလိုက်ရတာ မင်းသိရဲ့လား မိုးဇက်ရယ်
စကားမစပ် မိုးဇက်ရေ
နင်ငါ့အပေါ်ဘယ်လောက်လွမ်းဖူးလဲဆိုတာ
ဒီစကားလေးနှင့်ယုံရမှာလားကွယ်

~ မိုးဇက် ~
မင်းရဲ့ရနံ့တွေနဲ့ ကိုယ့်ညတွေကူးခတ်နေရတာ
လက်ပန်းကျလှပြီ မာယာ
ဟိုးအဝေးတစ်ဘက်ဆီက လွင့်မျောလာတဲ့
မင်းရဲ့ကိုယ်သင်းရနံ့တွေ
ကိုယ့်အာရုံကိုမှ ဘာလို့နေ့တိုင်းရစ်ပတ်နေတာလဲ မာယာ
မင်းရောဘယ်လိုအရောင်တွေနဲ့ လွမ်းနေမလဲ
မင်းစိတ်ကို ကိုယ်အကြိမ်ကြိမ်ဖတ်ကြည့်နေမိတယ် ...

~ မာယာဖြူ ~
ကောင်းကင်ပြတင်းဆီက
လေပြေသောသောနဲ့
ဒရောသောပါး ခုန်ဆင်းလာတဲ့
နှင်းမှုန်တွေကြား
ဆောင်းရနံ့တွေကိုရှူရှိုက်
အလွမ်းတွေကိုထွေးပိုက်
ဒီလိုနဲ့ ကိုယ့်ညတွေမိုးသောက်နေရတာ
မင်းသိသင့်တယ် မိုးဇက်ရယ်
ဆောင်းခိုငှက်တို့အိမ်ပြန်ချိန်ရောက်ရင်

တဆောင်းလုံးစာအလွမ်းတွေနဲ့အတူ
ကိုယ်အမှာပါးလိုက်မယ်
ဟိုးးးးအဝေးကနေ
ကိုယ့်စိတ်ကို အကြိမ်ကြိမ်ဖတ်မနေပါနဲ့
ရှင်သန်ရာဘဝတစ်လျှောက်
ကိုယ့်ဘဝရဲ့သခင် ကိုယ့်နှလုံးသားရဲ့အရှင်က
မင်းပဲဆိုတာ ....

~ မိုးဇက် ~
ဒါပေမယ့် မာယာ
ဟိုးအဝေးတစ်နေရာကနေ
မင်းနာမည်ကို အာရုံငါးပါးစလုံးနဲ့ရွတ်နေတာ
ကိုယ့်ဘဝတစ်ရာသီလုံး မပြီးနိုင်မစီးနိုင်အောင်ပါပဲ
ကိုယ့်အသက်ရှုသံတိုင်းမှာ
မင်းပုံရိပ်တွေ လတ်လတ်ဆပ်ဆပ်ရှိနေဆဲဆိုတာ
ကိုယ့်ရင်ဘက်တစ်ခုလုံးနဲ့ တိုင်တည်ချင်လို့
မင်းဆီကို ရောက်အောင်လာခဲ့မယ် မာယာ ....

~ မာယာဖြူ ~
မိုးဇက်ရေ
ဘယ်လောက်ပဲဝေးဝေး
အချစ်တွေရှင်သန်နေသမျှ
အကွာအဝေးဆိုတာ ပညတ်ချက်တစ်ခုရယ်ပါ
တို့ဝေးစဉ်ခဏ
အေးစက်မသွားတဲ့ချစ်ခြင်းတွေ
အမြဲရှင်သန်နွေးထွေးနေရင်း
မင်းလာရာလမ်းကို သစ္စာခင်းလို့စောင့်
ဒီမြေဒီကမ္ဘာမှာ
မင်းရင်ခွင်သည်သာ
ကိုယ်အနေချင်ဆုံးနေရာ .......

( မာယာဖြူ နှင့် ကျွန်တော် တသီးတသန့်ဖွဲ့ဆိုဖြစ်တဲ့ ကဗျာတစ်ပုဒ်ပါ )

တိတ်ဆိတ်သောသီချင်းတစ်ပုဒ်ကို သူမနှင့်ကျွန်တော် ရွတ်ဆိုခဲ့

Posted on Tuesday, 27 November 2012

သူမနှင့်ကျွန်တော် ရင်အခုန်ဆုံးစည်းချက်တစ်ခုကို
နှင်းစတွေဖွေးဖွေးလှုပ်နေတဲ့ နိုဝင်ဘာ မနက်တစ်ခုမှာ
ခံစားချက်ကိုယ်စီနှင့် ချရေးနေမိတယ် ။ ။
ဟုတ်ပီ
ကိုယ်စီခံစားချက်တွေကို အစအဆုံး
သုံးသပ်အချောကိုင်အပီးမှာ
ကဗျာအစပိုင်းကို ကျွန်တော် ထရွတ်လိုက်တယ်
`
`
`
သူမ ရဲ့ဖွင့်ဟဆိုမှု အပိုဒ်အရောက်
ငြိမ့်ငြိမ့်သွဲ့သွဲ့လေသံ တစ်ချို့ကို လိုသလို
အနိမ့်အမြင့်ညှိပီး သူမရဲ့ခံစားမှုအချို့ကို
သာယာညွတ်မှုးစွာ တိမ်းတိမ်းလေးရွတ်သွားတယ်
.
.
.
။ ။
ဟော ကီးကလွဲနေပြန်ပီ မေနို
သူမ နှင့် ကျွန်တော် အကြည့်ချင်းတချက်မျက်နှာချင်းဆိုင်လိုက်တယ်

သူမ မျက်လုံးထဲကို ကျွန်တော့ ခံစားမှုတွေ ပြစ်ထဲ့လိုက်တယ် ..
..
ကျွန်တော့ အတွေးထဲကို သူမရင်ခုန်နှုံးတွေ ခပ်ထည့်လိုက်တယ် ..
..
နှင်းကျသံရယ်
လေစိမ့်စိမ့်လေးတိုက်နေသံရယ်
တိတ်ဆိတ်သွားတဲ့ ပတ်ဝန်းကျင်အသံရယ်
`
`
`
တိတ်ဆိတ်မှုရဲ့ အောက်မှာ စကားသံတွေအများကြီးပြောဖြစ်ကြတယ်
အဲဒီအထဲမှာပဲ အဓိပ္ပါယ်ဖွင့်ဆိုရ သိပ်ကိုခတ်တဲ့
ချစ်ခြင်းတွေ သူမနှင့်ကျွန်တော် သံပြိုင်ရွတ်ဆိုလိုက်တယ်
ဒို
ရေ
မီ
ဖာ
အဲဒီသံဇဉ်တွေထက် နက်တယ်
ဟုတ်ပီ နင်နှင့်ငါ သံပြိုင်အော်ဆိုရအောင်
.`
`
`

မိုးဇက်

ကိုယ့်အမြှီးကို ပြန်မြိုမိသော မြွေ

Posted on Wednesday, 14 November 2012

တစ်ခါတစ်ခါ ဘာမှမဟုတ်ဘူး ကိုယ့်အတွေးနှင့်ကို မိုးချုပ်ခဲ့
တစ်ခါတစ်ခါ ဘာမှမဟုတ်ဘူး ကိုယ့်ခြေရာနှင့်ကို တိုင်ပတ်နေခဲ့
တစ်ခါတစ်ခါ ဘာမှမဟုတ်ဘူး ကိုယ့်ဒဏ်ရာနှင့်ကို
   တစ်ခါတစ်ခါ ဘာမှမဟုတ်ဘူး ကိုယ့်ဖန်ခွက်နှင့်ကို အလွမ်းတွေကိုမော့သောက်ခဲ့
     တစ်ခါတစ်ခါ ဘာမှမဟုတ်ဘူး ကိုယ့်ရင်ဘက်နှင့်ကို ခံစားနေမိခဲ့
    တစ်ခါတစ်ခါ ဘာမှမဟုတ်ဘူး ကိုယ့်မျှော်လင့်ချက်နှင့်ကို မောပန်းခဲ့
     တစ်ခါတစ်ခါ ဘာမှမဟုတ်ဘူး ကိုယ့်ရမ္မက်နှင့်ကို လောင်မြိုက်ပြစ်ခဲ့
    တစ်ခါတစ်ခါ ဘာမှမဟုတ်ဘူး ကိုယ့်မျှော်လင့်ချက်နှင့်ကို ခွတ်ထိုးခွတ်လန် ရယ်မောခဲ့
     တစ်ခါတစ်ခါ..ကိုယ့်အမြီးနဲ့ကိုယ့်ပြန်ချည်ခဲ့
     တစ်ခါတစ်ခါ ဘာမှမဟုတ်ဘူး ကိုယ့်အနာဂတ်နှင့်ကို အိမ်မက်တွေမက်ခဲ့
     တစ်ခါတစ်ခါ ဘာမှမဟုတ်ဘူး ကိုယ့်ပါးစပ်နှင့်ကို လူမုန်းခံခဲ့
     တစ်ခါတစ်ခါ ဘာမှမဟုတ်ဘူး ကိုယ့်အသိနှင့်ကိုယ် သမာဓိဆောက်တည်ခဲ့
     တစ်ခါတစ်ခါ ဘာမှ မဟုတ်ဘူး. ကိုယ့်လျှာကိုယ်သွားနဲ့ကိုက်ခဲ့
     တစ်ခါတစ်ခါ ဘာမှမဟုတ်ဘူး ကိုယ့်ဖိနပ်နှင့်ကို အိမ်မက်တွေကို ချနင်းခဲ့
     တစ်ခါတစ်ခါ ဘာမှမဟုတ်ဘူး ကိုယ့်နှလုံးသားနှင့်ကို
     အ
      မုန်း
      ခံ
      လိုက်
       ရ
     တစ်ခါတစ်ခါ
     ငါ့
       ကို
      ငါ
     တစ်ခါတစ်ခါ လို့ပဲ
သတိပေးရင်း
   အခါခါ
.........................................

မိုးဇက်

Cancer နှင့် သူမ လွန်ဆွဲတဲ့ပွဲမှာ ကျွန်တော်က တတိယမြောက် ဖဲတစ်ချပ်

Posted on Friday, 28 September 2012

သယ်ကူရာမဲ့ ဒီလမ်းမှာ
ဒဏ်ရာရယ် နာကျင်မှုရယ်က
လှလှပပ ငါ့ကိုတန်ဆာဆင်သွားပြီလား ????

ဘယ်အချိန်ထကြည့်ကြည့်
အကွာအဝေးပဲ မတူညီတာ
ခန္ဓာချုပ်မဲ့ရက်က သက်မှတ်ပြီးသား ။              ။

ကြည်လင်လွန်းတဲ့ ညနေဆည်းဆာအောက်မှာ
မင်းရဲ့ နား နားကပ်ပီး
“ မေနို ” လို့တစ်ခွန်းလောက် ခေါ်ခွင့်ရချင်သေးရဲ့ ။                ။

ထွက်သွားပါတော့ ကင်ဆာ
ငါ့အသွေးအသားထဲက ထွက်သွားပါ ကင်ဆာ
ငါ့အမြင်အာရုံတို့ ဝေဝါးလောက်အောင်
ငါ့ခွန်အားတွေကို မင်းစုပ်ယူသောက်သုံးခဲ့ပီးပီပဲ ကင်ဆာ ။                 ။

ကောင်မလေးရေ ဝိဥာဉ်ရယ် ဝေဒနာရယ်
စစ်ဖြစ်နေတဲ့ကြားက နင့်နောက်ကိုမျောပါသွားတဲ့
ငါ့ဝိဥာဉ်ကို ဖမ်းဆုပ်ရမှာလား ........???
ငါ့ဝေဒနာကိုပဲ ပြန်ဆွဲယူရမှာလား မေနို ။                ။

ဟောဒီမှာ
မှောင်ညို့နေတဲ့ ငါ့ညတွေနှင့် အပြိုင်
အလွမ်းတို့ ပြိုဆင်းနေတာ ခုချိန်ထိမတိတ်သေးဘူး ။                  ။

ဒီလိုနှင့် ငါ့နွေရာသီလမ်းဟာ
ပူပြင်းလိုက် လောင်ကြွမ်းလိုက်နှင့် လွင်တီးခေါင် ။                  ။
ဒီလိုနှင့် ငါသောက်နေတဲ့ ဆေးတွေက ငါ့ကိုပြန်သောက်ခဲ့ ။                  ။
ဒီလိုနှင့် ငါ့ညနေခင်းတွေဟာ ငါ့ကိုပြန်လွမ်းခြုံခဲ့ ။                ။

“စာနာနားလည်မှု ခြေတစ်ဘက်လောက်ပဲ
ငါ့ကမ်းပါးမှာ ရပ်ပေးပါ မေနို ”
ငါ့ဆုတောင်းကို ငါ့ဘာသာပြန်ရွတ်ဆိုခဲ့ ။                ။

ငါ့လက်ကိုဆုပ်ကိုင်တယ်ဆိုရုံပဲ ဆုပ်ကိုင်လိုက်ပါ
ငါ့ပစ္စပ္ပန်မှာ ကြယ်ငွေ့တွေ လင်းပွင့်သွားသလိုမျိုး
အနာတရ ဖုန်းတောထဲကနေ
“ ဝုန်း ” ကနဲ ရှင်ပြန်ထမြောက်ချင်လို့ပါ မေနို ။    ။

မိုးဇက်

နင်စိုက်ပျိုးခဲ့တဲ့ အမုန်းပန်းတွေ စောစောပွင့်သင့်တယ် မေနို

Posted on Sunday, 9 September 2012

မေနို .............
နင်စွန့်ပြစ်သွားတာ ငါ့မှာအိမ်မက်တစ်ခုလိုပဲ
ယုံကြည်လက်ခံပေးဖို့ အသိဥာဏ်တွေကို
ထွေးထုတ်လိုက် မြိုချလိုက် ။                ။

ဟိုဝေးဝေးက တစ်ခြမ်းပဲ့လမှာ
ငါ့အလွမ်းတွေကို ချိတ်ဆွဲရင်း
အခန်းဆက်ဇာတ်ကားကဲ့သို့
ညစဉ်ရက်စက် ငါတစ်ယောက်ထဲ
ချယ်မှုံးနေတာ မှိုင်းမှိုင်းကိုရီဝေလို့

ဘဝတွေ
ဘဝတွေ
..........................
တိမ်ညွန့်နှင့်သွေ့ခြောက်မြေပြင်ကဲ့သို့
တစ်ဖြေးဖြေးဝေးကွာသွားလိုက်တာ
ဟောဒီဖုန်းဆိုးမြေမှာ ဆူးရိုင်းတို့အလီလီပွင့်ခဲ့ပီ ။                  ။

မှန်တဲ့ဘက်မှာ နင်ရပ်တည်ခဲ့တာပဲ မေနို
ငါသာလျှင် ကျဆုံးမှုတံဆိပ်နှင့်ထိုက်တန်တာပါ မေနို

ဘေးကျပ်နံကျပ်ဘဝထဲက မချောင်မလည်အနာဂါတ်တွေနှင့်
ပင့်သက်တွေအကြိမ်ကြိမ်ချနေရတဲ့ ဗာလာနံကောင်ပေါ်ကို
အမုန်းတွေ သည်းချလိုက်တာ
သိပ်တောင်နောက်ကျနေတယ် မေနို .... ။              ။

မိုးဇက်

သူ့ကိုယ်သူပြန်တူးဖော်မိသွားသော

Posted on Monday, 27 August 2012

ကဗျာဆရာဟာ........
အဓိပ္ပါယ်တွေ အလှပဆုံးသိမ်းသွင်းထားတဲ့ စကားလုံးများနှင့်
အနုပညာလျှပ်စီးအားကို လက်နှင့်ဖမ်းဆုပ်ပြတယ် ။                  ။
ကဗျာဆရာဟာ........
ရင်ဘက်တွေကို ဟင်းလင်းအဖွင့်ခံပီး
စကားလုံးတွေကို မွေးထုတ်ပေးသလို
ဘေးထွက်လွင့်ပြန်မှု အနည်းဆုံးနှင့်
စကားလုံးစားသုံးသူရဲ့ ခံစားမှုကိုလဲ
ဟင်းလင်းဖွင့်ပြစ်လိုက်တယ် ။                ။
ကဗျာဆရာဟာ.........
တစ်ချက်တစ်ချက် ပုံရိပ်ယောင်တွေကို
စကားလုံးတွေနှင့်ဖမ်းဆုပ်ပီး ပုံရိပ်စစ်ဖြစ်အောင်
သူ့ဝိဥာဉ်ကိုပါ ဖဲ့ချွေပီး အသက်သွင်းတယ် ။              ။
ကဗျာဆရာဟာ...........
မှော်သွင်းထားတဲ့စကားလုံးတွေနှင့်
စကားလုံးစားသုံးသူရဲ့စိတ်ကို
ရေမီးအပြည့်အစုံဖြစ်အောင် ဖန်တီးပေးတယ်............
စကားလုံးစားသုံးသူကို ပျော်ရွင်ရွင်းလဲ့လာအောင်
ဖန်တီးတယ် .............
စကားလုံးစားသုံးသူကို အမြင့်ဆုံးနူးညံ့မှုဆီကို
ခေါ်ဆောင်သွားတယ် ။            ။
ကဗျာဆရာဟာ.........
အမှီအခိုကင်းသော အနုပညာဖန်တီးမှုအား
မျက်လှည့်ပွဲ တစ်ခုကဲ့သို့အစီအစဉ်တကျ ခင်းကျင်းပြသတယ် ။                   ။
တဖြည်းဖြည်းနှင့်

ကဗျာဆရာဟာ.........
စကားလုံးစားသုံးသူတွေကို စကားလုံးစားသုံးမှုရိုးအီမသွားရအောင်
စကားလုံးသစ်လွင်မှုတွေကို တူးဖော်တယ် ။              ။
အချိန်ကာလတွေ ကျိုးကြေနေအောင်ကို ရင်ဘက်နှင့်ရင်းပီး
စကားလုံးစီးစီးပိုင်ပိုင်တစ်ခုတွေ့အောင် တူးဖော်တယ် ။               ။
တစ်ချက်တစ်ချက် ဖြတ်သွားဖြတ်လာ လူတွေရဲ့
ပုခုံးနှစ်ဖက်ကြားက ပေါက်နေတဲ့ အိမ်မက်တွေကို
နှိုက်နှိုက်ပီး စကားလုံးတွေကို တူးဖော်ယူတယ် ။            ။
တူးဖော်စရာမြေကွက်မကျန်အောင်ကို စကားလုံးတွေကိုတူးဖော်တယ်
သူ့ကိုသူ ကဗျာဆရာလို့ မမြည်အောင်ကို တူးဖော်တယ် .............
အသန့်ရှင်းဆုံးစကားလုံးတွေရဖို့
အတ္တစွဲတွေအောက်ကို မောပန်းတကြီးတူးဖော်ယူတယ်......
နောက်ဆုံး ..............
စကားလုံးစားသုံးသူတွေအား အရသာရှိတဲ့စကားလုံးတွေ
တစ်နေ့တစ်မျိုးမထပ်အောင် ချကျွေးဖို့အတွက်
စကားလုံးတွေကို တူးဖော်ရင်း
ကဗျာဆရာဟာ သူ့ကိုယ်သူပြန်တူးဖော်မိသွားတယ် ။    ။
ဟုတ်တယ် နောက်ဆုံးတော့
အဲဒီကဗျာဆရာဟာ သူ့ကိုယ်သူနောက်ဆုံးတူးဖော်ရင်း
သူ့ကိုယ်သူ ပြန်ရှာတွေ့သွားတယ် ။    ။

(မှတ်ချက် ။ ။ ကျွန်တော် ကဗျာဆရာမဟုတ်ပါ ကဗျာဆရာယောင်ဆောင်ထားသော သာမန်လူသာဖြစ်သည် )

မိုးဇက်

ထက်လျှက်ကျသွားသော ရင်းနှီးမှုများ

Posted on Sunday, 19 August 2012

ဒီလိုနှင့် ကျွန်တော်တို့လက်တွေ
အဖြူထည်သက်သက်ဖြစ်သွားတယ် ။ ။
စကားမဆုံးမှီ သူ့ဆီကဆေးလိပ်တစ်တို့လောက်
ယူအညှိလိုက်မှာ
ပကာသနတွေက ခဏခြင်းသေဆုံးသွားတယ် ။ ။
အဲဒီရေတံခွန်ဟာ ဖြူစင်ခြင်းတွေတသွင်သွင်
လင်းပွင့်ပီးကျလာတာများ ငါတို့တစ်တွေရဲ့
အသွေးအသားထဲထိ စိုက်ကျ ။ ။
ဖြန်းခနဲ ကျောရိုးတစ်လျှောက်
ခင်မင်မှုတွေ စိမ့်ဝင်လာတာများ
ကြောက်ခမန်းလိလိ ။ ။
ဒီလိုနှင့် ကျွန်တော်တို့လက်တွေ
အဖြူထည်သက်သက်ဖြစ်သွားတယ် ။ ။

မိုးဇက်

သက်တန့်ရယ် ကောင်းကင်ရယ် ကျွန်တော်ရယ် မျဉ်းပြိုင်ရယ် သူမရယ်

Posted on Wednesday, 25 July 2012

အလွမ်းကိုထုဆစ်ဖို့များ
ချစ်ခဲ့မိသလားလို့ ကိုယ့်ကိုကိုယ်ပြန်သုံးသပ်ခဲ့
အနမ်းတစ်ပွင့်လောက်တောင် ချွေခွင့်မရှိတဲ့
မှုံမှိုင်းမှိုင်းကောင် ။ ။
ငါ့ကိုယ်ငါ မိုးမချုပ်မှီ
သူမရဲ့ ခြုံလွာတစ်ခုကို ဖမ်းဆုပ်လိုက်တယ်
ငါတို့နှစ်ယောက်ဟာ မျဉ်းပြိုင် ............
ကံကြမာရယ် နက္ခက်ရယ်ခလောက်စံနေတဲ့အချိန်
နင်သန်ရာ အတွေးတွေနှင့်
ငါ့လိုပဲညတိုင်းအိပ်မရဖြစ်နေပီလား မေနို
အလွမ်းရဲ့တစ်ဖက်ကမ်းမှာ နင်ရှိတယ်ဆိုတဲ့အာရုံနှင့်
ရှင်သန်နေရတာ မောဟိုက်လှတယ် မေနို
ကြယ်ပွင့်တွေ ထိခပ်သလိုမျိုး
အလင်းတွေပြာလဲ့သွားအောင်
ငါတို့နှစ်ယောက် ထိတွေ့ကြမယ် ။ ။

မိုးဇက်

အငြိမ်

Posted on Saturday, 21 July 2012

ငြိမ် .......
အားလုံးဟာ အငြိမ်
ငါ့စိတ်ကူးလဲ အငြိမ်
ငါ့အိမ်မက်လဲ အငြိမ်
ငါ့ဘဝလဲ အငြိမ်
ငါ့အနာဂတ်လဲ အငြိမ်
ငါ့သမိုင်းလဲ အငြိမ်
အားလုံးဟာ အငြိမ်
ဘာဆိုဘာမှ အာရုံတွေ
မပျံ့လွင့်ရင် သံသရာလဲ အငြိမ် ...................

မိုးဇက်

ဖြတ်လျှောက်

Posted on Wednesday, 11 July 2012

ဖြတ်မျဉ်းလိုမျိုး
လမ်းခွဲခြင်းတွေ
အလျှားလိုက် အားလျှားထိုးဝင်လာတာတောင်
ဟောဒီကောင်က
ချစ်ခြင်းတရားကို မိုက်ကမ်းကမ်းဆုပ်ကိုင်ထားတယ် ၊
ကျေးဇူးပြုပီး
ချစ်သူနှစ်ဦးကြား
အမုန်းတွေ ဖြတ်ဖြတ်မလျှောက်ပါနှင့် ။ ။

မိုးဇက်

မိုးသံလေသံကြားက ကိုယ့်ယုံကြည်မှု

Posted on Sunday, 24 June 2012

မိုးတွေ တပြင်လုံးရွာချစမ်းပါ
ဘယ်လောက်ပဲ သဲမည်းနေပါစေ
ရွာချစမ်းပါ ။            ။

မိုးတွေတပြင်လုံး ချိမ့်ချိမ့်သဲစမ်းပါ
ဘယ်လောက်ပဲ နားစည်တွေပေါက်ကွဲသွားပါစေ
ဟိမ်းမြည်လိုက်စမ်းပါ ။             ။

မိုးတွေလူလုံးမသဲကွဲအောင် ဖြိုချလိုက်စမ်းပါ
ဘယ်လောက်ပဲ ငါ့အမြင်တွေဝေဝါးသွားပါစေ
ပိန်းပိတ်အောင် ရွာချလိုက်စမ်းပါ ။            ။

မိုးတွေ ငါ့နှလုံးသားကို
ပွင့်ထွက်သွားအောင် ရွာချလိုက်စမ်းပါ
ဟောဒီရင်ဘက်ကိုဖောက်ပီး
ငါ့နောက်ကျောက ဖောက်ထွက်သွားအောင်
ရွာချလိုက်စမ်းပါ
ငါကတော့ ဒီနေရာကနေဘယ်တော့မှ မရွေ့ဘူး ။            ။

ဒီလိုပဲလေ
ယုံကြည်ချက်တွေ သံန္ဒေတည်ခါစတော့
နည်းနည်းနာကျင်ရမှာပေါ့ မဟုတ်ဘူးလားဗျာ ..........

မိုးဇက်

နာကျင်မှုကို ရစ်မှုးနေတဲ့ ဘုရားသခင် ဒဏ်ခတ်ခြင်းခံနေရတဲ့ကောင်

Posted on Wednesday, 20 June 2012

အစိမ်းရင့်ရောင် အလွမ်းတွေ
တဖိတ်ဖိတ်လက်နေပုံက လွင့်ဝါလို့
အတောင်ပေါက်စ ငှက်တစ်ကောင်လို
သတိရမှုတွေကလဲ လဲကျလိုက်ပြန်ထလိုက်
အာသာပြေမလားလို့ သူမရဲ့ဓါတ်ပုံကို
ထုတ်ထုတ်ကြည့်နေပေမယ့်
နာကျင်မှုတွေပဲ ရင်ဘက်ကိုစို့စို့တတ်လာတယ်
ငါ့ဘက်ကနားလည်မှုတွေပေးခဲ့ပေမယ့်
သူမရင်ဘက်ထဲမှာတော့
အငြိုးတကြီးတုံ့ပြန်မှုတွေ တခဲနက်
သိုဝှက်လို့
သူမရဲ့အပြုအမှုတွေက
ငါ့ချစ်သူမှ ဟုတ်ပါလေစလို့ ကိုယ့်ဘာသာ
အံ့အားသင့်ယူစေခဲ့တာ မဆန်းတော့သလိုပဲ
ဟောဒီနာကျင်ခြင်းတွေကိုမှ ကက်ကိုဘိန်းလိုပဲ
စွဲစွဲလမ်းလမ်း သုံးစွဲမိနေတော့
သေရာပါလဲ ကျေနပ်နေမယ့်ကောင်လေ
အမှန်တော့ ကျနော်က
ဘုရားသခင် ခွင့်မပြုတဲ့ အသီးကိုမှ
တရှိုက်မက်မက် စားသုံးမိတာ ။ ။

မိုးဇက်

အချစ်စစ်

Posted on Wednesday, 13 June 2012

တစ်သက်တစ်ခါ

တစ်လွာတစ်ပွင့်

ငုံအဆင့်မို့

ဖြုတ်ခနဲပဲကြွေကြွေ

မြေကိုပဲရောက်ရောက်

ဖွဖွလေးကောက်လို့

ပန်းခြောက်လေးလဲ မြတ်နိုးမယ် ။ ။

မိုးဇက်

( ခုတစ်လော ကျွန်နော် ကဗျာရေးဖို့အတွက် အာရုံတွေ ထုံမှိုင်းနေလို့ ဟိုးကလေးသားလေးတုန်းက ရေးခဲ့ဖူးတဲ့ ကဗျာတစ်ပုဒ် တင်လိုက်ပါတယ် ၊ ကလေးသားလေးထဲက ကျွန်နော် ကဗျာတွေစရေးဖြစ်ခဲ့ပါတယ် (ကြွားဝါခြင်းမဟုတ်း) ဒီကဗျာကို ကျွန်တော်ကိုယ်တိုင်ရေးခဲ့တာလား ဘယ်ကဗျာဆရာရေးခဲ့တာလဲ မမှတ်မိပါ ၊ ဒါပေမယ့် ခုချိန်ထိ စာလုံးတွေကို ထင်ထင်ရှားရှား စွဲလမ်းမှတ်မိနေလို့ ပြန်တင်လိုက်တာပါ ၊ မူရင်းကဗျာဆရာသိရင်တော့ ကွန်မန့်မှာသာ ဝင်ခြစ်သွားပေတော့း)

ကဗျာစပ်နေတုန်း စိတ်ကောက်သွားတဲ့သူမကြောင့် မရေးဖြစ်တဲ့ ကဗျာ

Posted on Sunday, 3 June 2012

ပကတိ ရဲညွန့်နေတဲ့

သူမ နှုတ်ခမ်းဟာ

ဒက်ခနဲ ကျွန်တော့ရင်ကို